Dalskóli er staðsettur í Úlfarsárdal í Reykjavík. Markmiðið er að Dalskóli verði samtengdur frístundarheimili, menningarmiðstöð, úti- og innisundlaug, almenningsbókasafni ásamt íþróttahúsi. Fyrsti áfangi var leikskólinn en hann var tekinn í notkun í ágústlok 2016 og þá fyrst um sinn notaður fyrir grunnskólanema. Stærð leikskólans er 819 fermetrar og er lóðin við hann einnig frágengin. Annar áfangi er 5194 m2 bygging fyrir grunnskóla og frístundaheimili. Fyrsti hluti grunnskólans var tekinn í notkun haustið 2018. Bygging grunnskólans lauk haustið 2019 en matsalur og mötuneyti lauk í byrjun árs 2020. Um er að ræða tvo áfanga í byggingakeðju sem liggur meðfram Úlfarsbraut.
